SISIMIUT VANDREHJEM
Sisimiut Vandrehjemmiup nittartagaanut tikilluarit > Inissiami malittarisassat

Inissiami malittarisassat

Kalaallit Nunaanni unnuiffissatut periarfissanit akikinnerpaajunissarput pitsaanerpaajunissarpullu, aamma iniitivut pitsaasuunissaat ullutsinnullu naleqquttunissaat anguniagaraarput. Neriuppugut unnuisutta ajunngisaarnerannik ikioqatigiinnerannillu ingerlasinnaassasoq.

Aningaasartuutit annikitsinniarlugit ullaamiit ulluup tungaanut allaffipput inoqarneq ajorpoq. Tassa imaappoq iserterneq taamaallaat nal. 16.00.ip kingorna 20.00-inngortinnagulu pisinnaavoq. Sioqqullugu isumaqatigeereernerup kingorna nal. 22.00-ip tungaanut isertertoqarsinnaavoq.

Qimagunnissaq kingusinnerpaamik nal. 14.00 pissaaq. 14.00-ip kingorna akunnikkallarneq aamma/imaluunniit nassatat paarigallarneqarneri akit allattorsimaffiani takukkit.

Maluginiaruk isertertitsisarnitsinnut qimagutsitsisarnitsinnullu piffissaliussat Kangerlussuaq Vandrehjem-imiit allaanerummata.

Iserternermi kinaassutsimut uppernarsaat assitalik takutinneqassaaq, aamma unnuinissaq iserternermi akilerneqassaaq. Unnuisut nammineerlutik oqorutilersuissapput, aallalernermilu peerlugit.

Illit unnuisullu allat isumannaatsumiinnissarsi peqqissusersilu eqqarsaatigalugu angalasunut unnuisarfik tamarmi pujortartarfiunngilaq, innermillu ikumatitseqqusaasoqanngilaq, aamma naneruutinik.

Matut silarliit tamarmik paarnaaqqasuaannassapput, inuillu angalasunut unnuisarfimmi unnuinianngitsut isertinneqaqqusaanngillat. Angalasunut unnuisarfiup pigisatit akisussaaffiginngilai. Taamaammat illit pillutit unnuisullu allat pillugit matu paarnaaqqassaaq.

Angalasunut unnuisarfiup tamaat isumatusaarnermik atorneqassaaq unnuisunut tamanut isersimaffigiuminartuuniassammat. Ilaatigut isumaqarpoq igaffimmeereernerup, nerisarfimmeereernerup, inimi isiginnaartarfimmeereernerup kingorna, errorsisarfimmeereernerullu kingorna, allat eqqarsaatigalugit ingerlaannaq atoriikkat iluarsineqassapput.

Angalasunut unnuisarfimmi aalakoorneq inerteqqutaavoq. Angalasunut unnuisarfik nal. 22.00-ip kingorna nipaarsaarfiussaaq. Tassa imaappoq innareersut eqqissillutik sininnissaat eqqarsaatigalugu sammisaqarnerit tamarmik eqqissisimasumik ingerlanneqassapput.

Angalasunut unnuisarfiup atortorissaarutai unnuisunut akileereersunuinnaapput. Taamaallaat immikkut isumaqatigeereernermi, aammalu takornariaqaleruttornerata avataani ikinngutit ilaquttallu neriartorlutik inimilu isiginnaartarfimmiissinnaapput.